Resultados da Xornada do 17 e 18 de Novembro

ZABBA Zapatería Otero Caritón 57 – 52 Balidea Fontiñas

Bo comezo de encontro para o Fontiñas que exercía de visitante no derbi de Santiago.  No inicio, boa defensa e fluidez en ataque. A partir deste inicio, alternáronse momentos bos e outros non tan bos en ataque e en defensa.

Partido tenso no que as rapazas se atoparon moi concentradas en todo momento e no que se mantiveron con opcións para gañar até o final do encontro. Nos lances fináis do mesmo, o gran acerto final no tiro exterior das xogadoras locais fixo que a victoria se quedase anotada no seu casilleiro.

Boas vibracións neste encontro, e a seguires a traballar.

Riquela GMU 65 – 44 Librería Follas Novas Fontiñas

Derrota por 21 puntos do equipo Senior A a pesares do bo primeiro tempo, que rematou cun punto arriba no marcador.

A segunda parte comezou cun cambio defensivo do equipo local, que pasou a usar unha defensa en zona que os visitantes non conseguiron ler adecuadamente e non foron quen de anotar con facilidade. O Fontiñas tamén cambiou a súa defensa e pasou a defender en zona no último cuarto, pero a estas alturas do encontro, estábase a perder de 11 puntos e o equipo local , que fixo unha mellor lectura da situación, escapouse no marcador.

Non foi unha boa segunda metade do encontro e eso condicionou moito o resultado final contra un bo equipo da liga. A seguir a traballar para mellorar no próximo encontro.

 

Tamén xogaron e desfrutaron os máis novos:

• Infantil Masculino: Fontiñas Gato Negro 52 – 44 La Salle PROYDE Mixto
• Mini Feminino: ADB Fontiñas 25 – 30 EDM Ames
• Premini Mixto: La Salle PROYDE Mixto- ADB Fontiñas