Iº Torneo Área Central de MINI Básquet

 

Area Central e o Clube ADB Fontiñas, coa colaboración do Concello de Santiago e de Centro Deportivo, organizan este sábado 24 de marzo, o Iª Torneo Área Central de Mini Básquet. Este evento orientado á promoción do deporte nas fases de formación, contará coa participación dos equipos babybasquet, pre-minibasquet e minibasquet do ADB Fontiñas e do Club de Baloncesto Ciudad de Ponferrada.

Os dous equipos, nas categorías masculino e feminino, enfrentaránse en horario de 10:30 h.-14:15, pola mañán e de 15:30 h.-19:00 h pola tarde, en dúas canchas de baloncesto que se habilitarán para a ocasión dentro das instalacións de Área Central.

Haberá trofeos para o campeón e subcampeón e medallas para todos os participantes, ademáis o Centro Deportivo colaborará cos balóns do torneo.

Área Central é orgulloso patrocinador e colaborador do equipo Mini Feminino do ADB Fontiñas, equipo ó que tamén da nome (Area Central Fontiñas), que xoga na Liga Regular de Minibasquet de Santiago.

Dominios .gal e .com

Este ano obtivemos un pequeno agasallo de Entroido 2018!

Dende hoxe, o clube xa dispón de dominios .gal e .com nas súas direccións de Internet. Aquí os tedes:

www.adbfontinhas.gal
www.adbfontinhas.com

 

Quen nos axuda? Eternas librerías Follas Novas e Fonseca

Se hai algunha empresa cun vínculo especial co clube, esta é, sen dúbida, a asociación das dúas librerías Follas Novas e Fonseca. A proba de esto son os máis de 10 anos de apoio cultural e económico. A súa colaboración constante en momentos bos e malos é a demostración práctica da tenacidade e perseverancia que a caracteriza. Dende o clube, agradecemos profundamente a súa axuda, e desexámoslle que continúe sendo considerada  como un dos referentes culturais da cidade.

 

Fundada en 1971 por D. Rafael Silva Costoyas a Librería Follas Novas pronto pasou a ser un referente da vida cultural da nosa cidade. De feito o mismo D. Domingo Garcia-Sabell nomeariaa no seu momento como a segunda catedral de Santiago, a cultural.
Hoxe en día Follas Novas ofrece o público máis de un millón de libros, repartidos nas suas tres plantas do local de Montero Ríos, 37 e na nova librería infantil-xuvenil, sita na mesma rúa no nº50.
Este ano 2017, librería Follas Novas recolle o testigo da sua irmá pequena, Librería Fonseca, no patrocinio do equipo Masculino de 3ª división A, e apostando pola canteira, tamén será o patrocinador nos próximos anos do equipo premini masculino.

O ADB Fontiñas e Follas Novas desexamos que xogadores, adestradores, pais, directiva e colaboradores do clube fagamos un esfrozo para que cultura, deporte e educación vaian da mesma man.

Queres saber máis? Achégate á súa Web: https://www.libreriafonsecadecompostela.es/es/

 

Quén nos axuda? Presentando a Balidea

Somos quén somos gracias ó esforzo e ó compromiso de moit@s: xogadores/as, adestradores/as, nais e pais, árbitros e moitos outros colaboradores desinteresados. Por suposto, e de xustiza decir, que gracias tamén a aquelas empresas e organizacións que colaboran con nós.

Hoxe queremos presentarvos a unha nova empresa colaboradora co club: Balidea

Balidea é unha empresa galega do sector das Tecnoloxías da Información e a Comunicación (TIC) que ofrece servicios de consultoría, desenvolvemento e integración de software e externalización tecnolóxica. A súa sede principal está en Santiago de Compostela, pero o seu crecemento e internacionalización levoulles a abrir oficinas en A Coruña, Vigo, Lugo, León, Bilbao e Copenhage.

No sector TIC, caracterízanse pola súa xuventude e dinamismo, con equipos altamente cualificados e multidisciplinares. Estas son características e valores que compartimos dende o club, donde a humildade, o esforzo individual e o traballo en equipo han de ser o punto de partida para o éxito colectivo.

Balidea pasará a darlle nome ó noso equipo Senior Feminino nos próximos dous anos. Esperamos que conxuntamente, poidamos seguir traballando e compartindo éxitos no futuro.

 

Queredes saber máis de Balidea? Visitade a súa web: http://balidea.com/